ايه قمة الغباء في الحياة؟؟ إنك تلاقي حد بيحبك من قلبه وبيموت فيك وانت بتحبة وتقله انا مش عايزك رغم انك بتتقطع .. بحبك بس مش عايزك ..
ده غالبا - لو مفيش حد سخيف بيفكر زيي - مش موجود .. لأن انك تلاقي إلي بتحبه ده مسأله بتؤرق بشريه بحالها .. فلما تلاقيه وترميه إما انت معتوه !! أو سيادتك حضرتي !! ملهاش تالت صدقني ..
أنا سألت نفسي قبل كده .. احنا بنحب ليه ؟ ومع إحترامي لكل الناس والكتاب الكبار والناس الحالمة والبنات الرومانسيه والواقعيه أنا أرى ان الحب حتى لو كان فيه عاطفة فهي ليست المحرك الاساسي لأني - برضو حضرتي - مقتنع إننا كائنات نفعية لازم علشان تدي لازم تاخد .. لدرجة إنني قاطعات حد بحبه بإني أبطل أديه إالي بينتظره مني ..
أنا مقتنع إن حتى الأم بتدي طفلها عشان في إحساس الأمومه بيرجعلها من حبها لأبنها .. ده إلي بيطلع لله من غير حد يعرف .. أهيه لله .. مستني الثواب ..
يا ترى الي بيحبني ده وانا بحبه ده اكتر شخص ينفعني ؟؟ أنا ممكن اجاوب على السؤال ده بسؤال تاني .. بما أننا مخلوفات نفعيه - زي ما بقول - إلي بيحبني ده بيحبني علشان بيجد فيا حجات بترضيه فبيحبني وبيقدلي صوابعه العشره شمع من قلبه ونفسه يفضل معايا على طول .. طب هل أنا عارف أخد منه الي انا عايزة وبالتالي أحبه؟؟
هل هوا بيرضيني .. ممكن يكون بيعمل جهده بس في الآخر بيديني إلي هوا بيحبه .. مش إلي أنا بحبه ..
نظرية القطه والشوكلانة .. انا بحب الشيكولاته .. لكن القطط - لو كانت زي ما أظن - مش بتاكل الشكولاته .. اديها طبق تونه تغرق فيه ..
أنا بحب الشوكولاته ومن حبي للقطه بروح سويسرا اجيب اغلى شوكلاته علشانها .. بس هل هيا راضية؟؟ أظن نظريتي وضحت ..
عمم على الأصحاب .. الاقارب .. الإخوة .. الأحباب .. وحتى المتجوزين ..
كتير جدا واحد يحب وحده علشان بتحبه ويكون بيحبها ويتجوزوا ويفاجىء إنها مش بتحبة لشخصة بل بتحب إلي بتلاقيه منه فصار ما نسميه الحب فاصبحت لا تطيق العيش بعيدا عنه .. بس مصره - بضم الميم - ترضيه بانها تديله الشكولاه وترسم دائما الحياة إلي هيا متخيلاها وراسماها .. الحياه إلي متضمنه إنه هيكون سعيد بالشكل ده فأنا بنفذ سعادته إلي في دماغي.. مصرة تديلة الشكولاته .. مش عايزه تقتنع انه بيحب التونه .. لانها ببساطه بتحب الشيكولاته ..
على الأقل حتى مش بتحاول تشوف ردة فعله إيه في الشوكولاته!! .. ده بقى انا بسميه أنانيه .. رغم إن ظاهرها حب ..
كل إنسان له شخصيتة واختلافه عن غيره .. وإلي بيحب حد من وجهة نظري بيهلك نفسه عشان يعرف إيه الي بيرضيه ..مش كفايه انك تحب إلي بتاخده من إلي قدامك من الناس بأنواعها الأهل .. الأقارب .. الأصحاب .. بل بص هما بيحتاجوا منك إيه ..
علشان كده لو عايز تخلص من حد بيحبك خد الوصفة ديه ..أياك ثم اياك توقف الكلام معاه أبداَ .. بل كلمة بلطف على الأقل متخدش ذنب المهاجرة معه .. شوف هوا بيحب ياخد منك إيه وإقطعه .. لو كان مثلا صديق متعود يحكيلك متسمعش منه بلطف واعتذر .. وبعد فتره هيكتشف إنك (مش زي الاول معاه) ويسيبك رغم إنه هيحاول يصلح علاقته بيك أو لو بينكم زعل هيفتقدك فعلا وجايز يصالحك ..
عشان كده لو عايز تكسب اخوك مثلا .. إعرف بيحب إيه عادة الرجال بيحبوا التشجيع .... لأن الذكور -على ذمة ما جون جراي - ربنا حط فيهم حب الإفتخار بالي بيعملوه .. حاول تسمع مغامراته مهما كان عمره باندهاش وتعاطف وإعطاءه احساس انه فعلا قوي وباستماع وإستمتااااااااع تام من جواك .. بتبان اوي انك بتعمل نفسك بتسمعه وانك مستنيه يخلص علشان تتكلم ويسمعك .. حتى لو تظاهرت بكده .. هيحس وهتلاقيه بيقصر في حكايته .. ولو كان بيحبك .. ممكن ينجز علشان يسمعك!! .. لأنه ببساطة .. بيحبك ..
فإنت لو بتحبه هتحب تسمعه وتبقى مبسوط كأنك إالي بتحكي ..حتى لو محكتش حاجة مزنوقة جواك نفسك تحكيها ومضايق ونفسك تتطلعها ..ساعتها ده بسميه حب..
لو بتحبني .. فحب ترضيني بالي أنا محتاجة .. مش عايز إلي سيادتك بتحبه في حاجة ..
Posts
5 Comments:
أاااااااحمد
الاول ازيك يا حنون
يلى مبتحبش الجبنة
يااااااه بقالى زمن
مكتبتهاش الجملة دى
معلش
اولا ...وحشتنا
ثانياُ ...انا ليا ملاحظات عدة
لأنى من هواة تربية القطط
و بحب الأيام دى
و ام كمان من عشر سنين و زيادة فبالتالى لازم إجابتى تتعامل معاملة متميزة لو سمحت ..
ماااااشى
1- معلوماتك العلمية لازم تتعدل عشان فيه قطط بتاكل شكولاتة سعادتك
و كان عندنا مرة قط سيامى مدمن شكولاتة و سادة كمان شوف الرخامة بالبسكوت لأ ...
2- لما واحدة تدى حبيبها شكولاتية غالبا و حتماً بتكون عارفة انه بيحبها
مش هتديهاله غيباً كدا
و لأنها هيا اللى بتحبها
و هوه لأ يعنى !!!
3- اللى بيحب حد بيستميت
فى ارضائه قبل أرضاء روحه ..لأن مرة كتبتها عند شيماء سمير الجميلة
و قولت إن السعادة فى المنح و العطاء ...و شبهت الآخر بالجسر
الذى يجب أن تعبر عليه السعادة اولاً
حتى تصل إليك
و تشعر انت بها
4- معاك إننا مخلوقات نفعية
لكن مش دايما يا احمد .. حتى الأم لم تنجو من هذه
القاعدة الفزيعة يا جدع ؟؟
معقول دا رأيك و لا انا فهمت غلط؟
5- انت قاسى قوى ف حبك يا بنى
و الله يكون ف عونها اللى تقع
ف سكة قلبك دى
و أساسى طبعااا متكونش بتحط جبنة
و إلا يبقى نهارها مش معدى
و متقولكش نقف على كوبرى قصر النيل ..تصدق إن كل ما أعدى عليه
أفتكرك؟
6- الدنيا اسهل من كدا
بكتير يا حنون
ليه انت مصعبها على روحك كدا ؟؟
7- لا تنقطع عن الكتابة الله يخليك ..بنفتقدك
@فاتيما
اولا ربنا يكرمك بجد .. كالعاده كلك ذوق
ومعلش انا منقطع شويه بس إن شاء الله أرجع أكتب تاني زي الاول .. بس الشغل يخف شوية
:D
هوا انا معاكي في كلامك .. بس انا كان ليا سبب اني اكتب البوست ده .. انك يكون حد بيحبك بس مش عارف انت بتحب ايه .. وبيعمل الي بيحبه .. مش كل الناس متفهمة زيك ان انا هدي الي بحبه الشكولاته لانه هوا بيحبه مش عشان انا بحبها فبالتالي متوقع انه يحبها..
عامة انا شايف اه حتى الام .. وده مش حاجة وحشة لان ده دليل على الحياه .. بيرجعلها احساس جميله بيخليها كائن حي .. لو محستش بكده هتكون طوبه ..رياح ..بحر اي حاجة مفيهاش روح
هوا ده مش حاجة وحشه ..بالعكس .. وحق مشروع جدا ..
وانا معاكي على فكره في كلامك .. بقوله باسلوب مختلف مش اكتر ..
امابالنسبه للقط ده .. فهاتيله شوكلاته جالاكسي وكتمي على الخبر علشان البوست ميبظش
:D
وبجد نورتي البلوج
تحياتي ليكي جدا
علشان أنا و إنت عارفين إن الراجل محتاج تشجيع, فأنا أحب أقوللك إنى متفق معاك فى نقطة إننا كائنات نفعيه, و لو إنت شايف إن ده هبل, فأنا معترف إنى أهبل بس مقتنع بالنقطه دى
@ra2oof
هوا ده التشجيع
:D
لا كده يبقى مفيش هبل في ناس معايا اهيه
منور يا كبير
"تعلم كيف تخسر شخصا لأنه .. يحبك"
I like this so much...
good work :)