Ahmed Mubarak

قبل ما أبدأ البوست احب اوجة التحية لأم ميمي عند رامي محروس..ولكن وجب على الاباء الحكماء انهم ينصحوا اولدهم عند الزواج..

---------------------------------------------------

وصية عم أمين لإبنة محسن عند زواجة من كريمة الحج حسن..قال له عم محمد:
أي بني..
إن الوصية لو تركت لفضل أدب تركت لذلك منك ولكنها تذكرة للغافل ومعونة للعاقل ولو ان رجل استغنى عن الزوجة لغنى أبويها وشدة حاجتهما إليه كنت أغنى الناس عنهاولكن الرجال للنساء خلقوا ولهم خلق النساء

أي بني..

انك فارقت الجو الذي منه خرجت وخلفت العش الذي فيه درجت الى إمرأة لم تعرفها وقرين لم تألفه فأصبح بملكها عليك رقيبا ومليكا ، فكون لها محبا تكون لك مطيعاالوصايا العشر
أي بني : احمل عني عشر خصال تكن لك ذخرا وذكرا

1. ادبحلها القطة في ليلة عرسها..لازم يابني يكون في احترام بنكم..ودة وسيلة للإحترام..
2. حاول تعاملها كويس يا ابني أول تلات شهور..متصدمهاش من الأول برضوة ليها الحق تحس ان ليها ضهر وتعيش الرومانسية..
3. لما تكون نفسك في حاجة منها..خش من برة في ايدك وردة..وقلها ازيك يا حياتي..الست بتحب الحنية..برضو خلي معاك حنية مترميهاش..ممكن الحنية تغلى ولا حاجة..
4. بلاش يا ابني موضوع أكل الضوافر ومص صوابع الرجل قدمها..خلي شكلك كويس قدمها علشان متقرفش منك..
5. لو معجبكش اكلها يا ابني ابعتها لأمك ..هيا هتعلمها..امك ربنا يديها الصحة..
6. المفروض يا ابني لو قالتلك حاجة سر متقولهاش لحد..ممكن تقولهالي لو مهمة أوي..
7. مش هأكد عليك في موضوع السر يبني..
8. المفروض ميكونش ليها حكم عليك بس في المقابل تديها بعض المساحة تتكلم وتقول رأيها يا ابني..
9. اذا كانت مضايقة واسيها يابني..ولو فرحانة متخليهاش تزيد اوي ..الفرح لية حدود..
10. خليك معاها على الحلوة والمرة..إلا لو جالها المرض الوحش بعيد الشر يا ابني ابعد عنها يا ابني ممكن تعديك..وابعتلها قرشين مع الصبي بتعنا كل يوم..

ده كان ايام زمان اما دلوقتي

وصية أبو دودو لإبنة دودو عند زواجة من ميمي بنت أم ميمي ..
بص ياد أم ميمي دية ولية ميمشيش معاها الزوق..وكلام عم أمين دة زمانة راح وغبر في ستين دهية..ولا ياكل معانا..أبسلوتلي..علشان تتغلب على الست دية..بص يا كابتن..

1. محدش بيدبح قطه دلوقتي!!..أنا موصيلك على دستة قطط..تحشرها في أوضة بلنبة صفرة..وقطة قطة تدبح..الاحترام مهم ولا عايزها تبهدلك؟؟
2. التمثيل نفاق..اتصرف بحرية من أول يوم مش لازم تعد تقلها يا حياتي والكلام الحب الفاضي دة..أنت راجل..إعمل الي انت عايزوة..
3. لما يكون نفسك في حاجة..تعمل حسابك في قطة معاك وانت راجع من الشغل..انت عارف الباقي..
4. أكل ضوافر الرجل ليها متعة تانية..متخليش الجواز يمنعك من المتعة دية ولا اية؟
5. لو مبتعرفش تطبخ يا ابني..أو بتستهبل زي ما أمها موصياها..احبسها في البيت واطلب دليفري وجوعها..وهيا تتعلم الطبيخ وتمشي على العجين متلخبطوش..
6. السر سر..أوعى تقولي سرها الي بتقولهولك لما تشوفني..دية خيانة..قولهولي في الموبايل من غير ما اشوفك حفاظا على اسرركم.. أوعى تحكيلها أي سر..أمها موصياها تقولها على كل حاجة..
7.لو قالتلك عايزة فلوس قلها..أنـــا لــو مـــعـايــا فــلـــوس مــكــنـتـش جــيـت الــبـلد ديــة..
8. لو فكرت في يوم تكسر كلامك..ودة مش هيحصل بعد متدبح القطة..يعني لو حصل وتجرأت..تحرمها سبع أيام من التليفون والموبايل..وسبع أيام تعيش من غير مراية..وشهر من غير أغاني..وشهر تتفرج على قناه السودان..وسهرت التلات على ال إم بي سي فيلم الرعب إجباري..ويا حبذا لو منعتها من الكلام بشاش ولا حاجة..الستات يموتوا في الرغي..
9. لما بتكون زعلانة اعرف انها بتمثل علشان عايزة تجر ناعم وتضحك عليك..ولما تكون فرحانة خليك راجل تقيل كدة.. إكرف البت تحبك..حب البت تكرفك..
10. انت مش هتستفاد حاجة لو حصلها حاجة غير النكد..ابقى تعالى عندي نفرفش شوية..
11. هما عشر وصايا انا عارف..بس في واحدة مهمة..وصل الرساله دية لأم ميمي..
"ابقي قابليني يا أم ميمي على اللفة"..

Tweet

وصية أبو دودو لإبنة دودو عـنـد زواجة من ميمي بنت أم ميمي